Օլանդը խոստացել է պատժել Ֆրանսիայում հրեական գերեզմանատունը պղծողներին
Աշխարհ
Ֆրանսիայի նախագահ Ֆրանսուա Օլանդը խստիվ դատապարտել է երկրի արևելքում հրեական գերեզմանատան պղծումը և խոստացել է, որ մեղավորներին գտնելու և պատժելու համար կարվի անհրաժեշտ ամեն ինչ: Այդ մասին, ինչպես տեղեկացնում է «Արմենպրես»-ը, ասված է Ելիսեյան պալատի տարածած հայտարարության մեջ:
Ավելի վաղ Ֆրանսիայի ներքին գործերի նախարար Բեռնար Կազնյովը հայտնել է, որ անհայտ չարագործներն Էլզասի Սար Յունիոն քաղաքի հրեական գերեզմանատանը պղծել են մի քանի հարյուր տապանաքար:
«Հանրապետության նախագահն ամենայն վճռականությամբ դատապարտում է Ստորին Հռենոսի դեպարտամենտի Սար Յունիոնի հրեական գերեզմանատան պղծումը: Ամենակարճ ժամկետներում ամեն ինչ կարվի, որպեսզի այս նողկալի և բարբարոսական արարքի մեղավորները բացահայտվեն և պատասխանատվության ենթարկվեն»,- ասված է Ֆրանսիայի նախագահի վարչակազմի պաշտոնական հաղորդագրության մեջ:
Ըստ ՌԻԱ Նովոստիի՝ Օլանդը հավաստիացրել է, որ երկրի իշխանությունները լի են վճռականությամբ պայքարելու հակասեմիտիզմի ու նրանց դեմ, ովքեր ձգտում են վնաս հասցնել հանրապետական արժեքներին:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
