Ուկրաինայի արևելքում մոտ 550 հազար մարդ զրկված է խմելու ջրի հասանելիությունից. ՄԱԿ
Աշխարհ
Դոնեցկի և Լուգանսկի մարզերի մոտ 550 հազար բնակիչ զրկված է մաքուր ջուր խմելու հնարավորությունից: Այս մասին հայտնել է ՏԱՍՍ-ը՝ վկայակոչելով մարդասիրական հարցերի համակարգման ՄԱԿ-ի վարչությունը:
«Ներկայումս մոտ 461 հազար 350 մարդ՝ Դոնեցկում և 86 հազար 862 մարդ՝ Լուգանսկում հասանելիություն չունեն խմելու անվտանգ ջրին: Առավել վտանգավոր իրավիճակ է Ադեևկայում, Դեբալցևոյում, Դերժինսկում, Նովոտրոիցկում, Կրասնոգորովկայում և Կրասնոարմեյսկում»,-ասվում է հաղորդագրության մեջ:
Վարչությունում նախազգուշացվում է, որ մաքուր ջրի պակասը կամ սահմանափակ հասանելիությունը կարող են լուրջ հետևանքների հանգեցնել: ՄԱԿ-ում ուշադրություն են դարձրել Գորլովկայից ստացվող հաղորդագրություններին՝ աղեստամոքսային հիվանդությունների բազմաթիվ դեպքերի վերաբերյալ: Իրավիճակը հարվածի տակ է դնում սանիտարահիգիենիկ նորմերի պահպանումը:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
