Ռոման Բերեզովսկին հայտարարեց ֆուտբոլիստի կարիերան ավարտելու մասին
Սպորտ
Հայաստանի ազգային հավաքականի 40-ամյա դարպասապահ Ռոման Բերեզովսկին հայտարարել է ֆուտբոլիստի կարիերան ավարտելու մասին:Այս մասին ֆուտբոլիստը ասել է «НВ»-ի թղթակցի հետ զրույցում:
«Այո, իսկապես ֆուտբոլիստի կարիերան ավարտելու որոշում եմ կայացրել: Այժմ աշխատում եմ «Դինամոյի» երիտասարդական թիմի մարզչական շտաբում: Խոստովանում եմ՝ ամեն ինչ շատ արագ ստացվեց: Մտադիր էի շարունակել խաղալ Հայաստանի հավաքականում, սակայն Պորտուգալիայի հետ խաղից հետո փոխեցի ծրագրերս: Ցավոք, մեր ընտրանին վերջին ժամանակները թույլ արդյունքներ էր գրանցում: Մեղքի մեծ մասը իմն եմ համարում, քանի որ շատ խաղերի ընթացքում հաշվի մեջ առջևում լինելով՝ կորցնում էինք կարևորագույն միավորներ: Եթե առաջին համարի տեղը հավաքականում մեկ ուրիշը զբաղեցնի, միգուցե հավաքականի համար դա լավ լինի: Ավելի լավ է լինել հեռանկարային մարզիչ, քան ծերացող մարզիկ: Հավաքականում հանդես եմ գալիս 19 տարի, միշտ ջերմ վերաբերմունք եմ ստացել երկրպագուների, մարզիչների, թիմակիցներիս կողմից: Համոզված եմ` այս կամ այն դերում մենք կշարունակենք համագործակել: Չգիտեմ՝ ինչպես կլինի երկրպագուների հետ հրաժեշտը, սակայն ամեն դեպքում դա կլինի: Հայ երկրպագուներին կասեմ երախտիքի ամենաջերմ խոսքերը»,- նշել է դարպասապահը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
