Երևանում Սիլվա Կապուտիկյանի տուն-թանգարան կբացվի

Երևանում բանաստեղծուհի Սիլվա Կապուտիկյանի տուն-թանգարան կբացվի: Որոշումը կայացվեց ՀՀ կառավարության հոկտեմբերի 8-ի նիստում' հաշվի առնելով «Սիլվա Կապուտիկյան» գրական հիմնադրամի հոգաբարձուների խորհրդի դիմումը: Տուն-թանգարանը կբացվի Երևանի Մարշալ Բաղրամյան 1-ին անցուղի, շենք 1 հասցեում գտնվող 160,7 քմ մակերեսով թիվ 26 բնակա­րանում:

Կառավարության որոշման նախագծով հանձնարարվում է Հայաստանի Հանրապետության մշակույթի նախարարին' սույն որոշումն ուժի մեջ մտնելուց հետո հնգամսյա ժամկետում ապահովել «Սիլվա Կապուտիկյան» գրական հիմ­նադրամի հետ թանգա­րանային առարկաների նվիրաբերության պայմանագրի կնքումը և այդ առար­կաների անհատույց, անժամկետ օգտագործման իրավունքով հանձնումը «Ե. Չարենցի անվան գրականու­թյան և արվեստի թան­գարան» պետական ոչ առևտրային կազմակերպությանը: