Քոչարյանի ռուսասիրությունը

Երեկ հրապարակվել էր ՀՀ երկրորդ նախագահ Ռոբերտ Քոչարյանի հարցազրույցը «Ազատություն» ռադիոկայանի ռուսական ծառայությանը, որտեղ երկրորդ նախագահը խոսել էր Ռուսաստանի նկատմամբ իր վերաբերմունքի և Հայաստանի նշանակալից կառույցները, օբյեկտները Ռուսաստանին փոխանցելու և նման այլ հարցերի մասին: «Ռուսաստանն ինձ համար ավելին է, քան երկիրը, պետությունը, հարևանը, երկիրը, որի հետ մենք հարաբերություններ ունենք…»:

Հասկանում եք չէ՞՝ Ռուսաստանն իր համար ավելի կարևոր է, շատ կարևոր է և միգուցե այդ պատճառո՞վ նախագահ եղած ժամանակ Քոչարյանն իրականացրեց «Գույք պարտքի դիմաց» խայտառակ ծրագիրը՝ Ռուսաստանին հանձնելով մի շարք ձեռնարկություններ: Իսկ նման բաների արդյունքում այսօր Հայաստանում ՀԷՑ կոչվող ռուսական ընկերությունը խոշոր պարտքեր է կուտակում, իսկ մեր կառավարությունը 30 միլիոն դոլար վարկ է վերցնում, որ ռուսական ընկերության պարտքերը փակի: Ահա թե ինչի կարող է հանգեցնել չափից ավելի ռուսասիրությունը:

Կարեն Վարդանյան