Մոսկվայում եռօրյա հերթ է գոյացել Քանյե Ուեսթի ապրանքանիշի մարզական կոշիկների համար (լուսանկարներ)

Երեկ Մոսկվայում սկսվել է հայտնի ռեփեր Քանյե Ուեսթի Yeezy Boost Kanye West Аdidas Originals բրենդի սահմանափակ քանակությամբ մարզական կոշիկների վաճառքը:

Մոսկվայի բնակիչների ցանկությունն այդ կոշիկներից ձեռք բերելու այնքան մեծ է եղել, որ նրանք մի քանի օր առաջ կանգնել են խանութի մոտ, ցուցակներ են կազմել ու գրանցվել:

Այս կոշիկները հնարավոր չի եղել գնել նախօրոք, այդ պատճառով Քանյեի ռուսաստանաբնակ երկրպագուները նման քայլի են դիմել: Այս կոշիկների մեկ զույգն արժե 20 հազար ռուբլի (260 դոլար): Հերթ կանգնածներից շատերը ցանկանում են այդ կոշիկները ձեռք բերել' հետագայում դրանք 50-60 հազար ռուբլով վերավաճառելու նպատակով: