Չեք էլ պատկերացնի՝ ինչ եմ պատրաստել «Բավարիայի» համար». Տուխել

Բունդեսլիգայի 25-րդ տուրի շրջանակներում այսօր՝ մարտի 5-ին, տեղի կունենա առաջնության ամենաառանցքային հանդիպումը. Դորտմունդի «Բորուսիան» սեփական հարկի տակ կհյուրընկալի Մյունխենի «Բավարիային»:

Դորտմունդի թիմի գլխավոր մարզիչ Թոմաս Տուխելը նախախաղային ասուլիսի ժամանակ նշել է, որ իր թիմը պիտի անի ամենը՝ հաջողության հասնելու համար:

«Մենք, իհարկե, չպետք է կորցնենք հավատը, որ կարող ենք հաղթել: Կարծում եմ՝ խաղի ընթացքում հնարավոր է լինի մի հատված, որը մեզ համար կլինի դժվարին և բարդ, սակայն մենք ունենք հրաշալի երկրպագուներ, ովքեր մեզ կաջակցեն: Մենք ունենք մրցաշարային աղյուսակում միավորների քանակը կրճատելու հնարավորություն և մոտենալու մեր հիմնական մրցակցին: Դուք անգամ պատկերացում չունեք՝ ինչ եմ պատրաստել «Բավարիայի» համար»,- նշել է Տուխելը:

Նշենք, որ այս պահին թիմերի միջև տարբերությունը հասել է 5 միավորի: Թիմերն ունեն համապատասխանաբար 62 և 57 միավոր

Հանդիպման մեկնարկը՝ Երևանի ժամանակով 21:30-ին: