«Հայջրմուղկոյուղի» ՓԲԸ հասարակայնության և կապի բաժնի կեղծ պետը

Քրեական գործի նախաքննությամբ պարզվել է, որ նախկինում խարդախության համար դատապարտված Մհեր Եղիազարյանն ուրիշի առանձնապես խոշոր չափի գույքը խարդախությամբ հափշտակելու դիտավորությամբ, իր ծանոթ Խաչիկ Կզլյանի միջոցով ծանոթանալով «Գամմա-Շին» ՍՊԸ-ի հիմնադիր տնօրեն Արմեն Խաչատրյանի և վերջինիս որդի Գևորգ Խաչատրյանի հետ, նրանց ներկայացել է իբրև «Հայջրմուղկոյուղի» ՓԲԸ-ի հասարակայնության և կապի բաժնի պետ: Այնուհետև Մ. Եղիազարյանը, ըստ մեղադրական եզրակացության, ջրագծերի վերանորոգման համար Գևորգ Խաչատրյանից խաբեությամբ հափշտակել է առանձնապես խոշոր չափի գումար' 5 560 300 դրամին համարժեք 10 000 եվրո և 620 000 դրամ:

Վերը նշված արարքի համար Մհեր Եղիազարյանին մեղադրանք է առաջադրվել ՀՀ քրեական օրենսգրքի 178-րդ հոդվածի («Խարդախությունը») 3-րդ մասի 1-ին կետի հատկանիշով:

Դատարանի կողմից մեղադրանքի հաստատման պարագայում կարելի է ասել, որ Մհերն իր համար իբրև մասնագիտություն է ընտրել խարդախությունը, բայց որպես «մասնագետ», դեռ չի կայացել: