Հայաստանում, որպես կանոն, ոսկու մեծ հափշտակողներին չեն բռնում, բռնում են փոքրերին

Քրեական գործի նախաքննությամբ պարզվել է, որ Խաչիկ Նահապետյանն աշխատելով Արարատ քաղաքում գործող «ԳեոՊրոմայնինգ Գոլդ» ՍՊ ընկերությունում որպես փականակագործ, 2015թ. սեպտեմբերի 9-ին, ժամը 14-ի սահմաններում, ընկերության աղացների արտադրամասում աշխատանքներ կատարելիս, փորձել է գաղտնի հափշտակել 294 102 դրամ արժողության ոսկու հումքի խտանյութ: Սակայն, ըստ մեղադրական եզրակացության, Խ. Նահապետյանն իր կամքից անկախ հանգամանքներով հանցագործությունն ավարտին չի հասցրել, քանի որ բռնվել է ընկերության անվտանգության աշխատակցի կողմից:

Վերը նշված արարքի համար Խաչիկ Նահապետյանին մեղադրանք է առաջադրվել ՀՀ քրեական օրենսգրքի 34-177-րդ հոդվածի (գողության հանցափորձը) 1-ին մասի հատկանիշով: