Հանրապետության տարբեր խոտածածկ տարածքներում բռնկված հրդեհները հրշեջները մեկուսացրել և մարել են

Հունիսի 7-8-ը ՀՀ ԱԻՆ ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ: Այս մասին տեղեկացնում են ԱԻՆ-ից:

Մասնավորապես՝ Երևանի Հրազդանի կիրճում՝ «Մարիաննա» ռեստորանի մոտակայքում այրվել է 200 քմ խոտածածկույթ, Նոր Նորքի 2-րդ զանգվածում՝ թիվ 164 դպրոցի մոտակայքում՝ 400 քմ, Ներքին Չարբախի գերեզմանատան մոտակայքում՝ 1000 քմ և ջերմահարվել 2 ծառ, Կիևյան փողոցի թիվ 11 հասցեում՝ 300 քմ խոտածածկույթ և ծխահարվել է մեկ ծառ, Թոթովենցի փողոցի թիվ 7 հասցեում գտնվող Նվեր Սաֆարյանի անվան թիվ 164 հիմնական դպրոցի մոտակայքում՝ 400 քմ խոտածածկույթ, Երևան քաղաքի Իսակովի պողոտայի թիվ 48/1 հասցեում գտնվող «Վեստա» խանութ-սրահի մոտակայքում՝ 100 քմ խոտածածկույթ, Արմավիրի մարզի Հայթաղ գյուղի Ա.Առաքելյան փողոցի թիվ 1 տան բակում՝ 800 քմ խոտածածկույթ, 2 ծիրանենի, 6 խաղողի վազ, Արագածոտնի մարզի Օշական գյուղի գերեզմանների մոտ՝ 1հա խոտածածկույթ, Վայոց ձորի մարզի Արփի գյուղի դպրոցի մոտակայքում՝ 10 քմ բուսածածկույթ:

Բոլոր հրդեհները հրշեջները մեկուսացրել են և մարել: