Պատրաստ են Օլիմպիական խաղերի մեդալները (լուսանկարներ, տեսանյութ)

Միջազգային օլիմպիական կոմիտեի հատուկ համաժողովի ընթացքում ներկայացվել են 31-րդ ամառային Օլիմպիական խաղերի մեդալները:

Ռիո դե Ժանեյրոյում կայացած հատուկ համաժողովին մասնակցել է նաև ՄՕԿ նախագահ Թոմաս Բախը: Մեդալների պաշտոնական ցուցադրությունից բացի ներկայացվել է նաև Օլիմպիական խաղերի մեդալակիրների համար նախատեսված պատվո պատվանդանները: Մեդալի մի կողմին պատկերված է հունական հաղթանակի աստվածուհին՝ Նիկան, իսկ հակառակ կողմին՝ Ռիո-2016-ի տարբերանշանը, եզրերին էլ գրված է տվյալ մարզաձևի անունը: Այս մասին գրում է ՀԱՕԿ լրատվության բաժինը:

Խաղերի բացման պաշտոնական արարողությունը կկայանա օգոստոսի 5-ին Ռիոյի լեգենդար «Մարականա» մարզադաշտում: Օգոստոսի 5-ից 21-ը' 17 օրվա ընթացքում աշխարհի 206 երկնց մոտ 10,500 մարզիկ կմրցեն 306 մեդալի հավաքածուների համար: Օլիմպիական խաղերը կանցկացվեն Ռիոյի 4 շրջանում' Կոպակաբանայում, Մարականայում, Դեոդորոյում և Բարայում գտնվող 33 մարզական կառույցում:

Այս պահի դրությամբ Հայաստանն ունի օլիմպիական 27 ուղեգիր: