Ռոբերտ Քոչարյանը չի շտապում աջակցել Վարդան Օսկանյանին. «Ժողովուրդ»

«Ժողովուրդ» թերթը գրում է.

«Ռոբերտ Քոչարյանը չի շտապում հրապարակային աջակցել իր իշխանության օրոք արտգործնախարար աշխատած Վարդան Օսկանյանի կողմից հիմնադրվելիք «Համախմբում» կուսակցությանը: Այսօր նախատեսված է այդ կուսակցության հիմնադիր համագումարը, որին Քոչարյանը չի մասնակցի, քանի որ արտերկրում է՝ Աթենքում:

Թերթի տեղեկություններով՝ երբ Վարդան Օսկանյանը և մյուսները դիմել են Քոչարյանին՝ իրենց առաջնորդելու համար, նա փաստացի հրաժարվել է: Ըստ նույն լուրերի՝ նա իր շուրջ համախմբվել ցանկացողներին ասել է, որ ամեն ինչով կաջակցի նրանց, ինչ-որ պահի հնարավոր է նաեւ հրապարակային սատարի, սակայն, այս պահին համաձայն չէ առաջնորդել:

Առավել մանրամասն՝ թերթի այսօրվա համարում։