Երկար տարիների ընդմիջումից հետո Հայաստանը կմասնակցի КВН-ին

Հուլիսի 17-ին ՌԴ Սվետլոգորսկ քաղաքում՝ Բալթիկ ծովի ափին, տեղի կունենա ՈւՀԱ ամենահեղինակավոր «Голосящий КиВиН-2016» մրցույթ-փառատոնը, որին, երկար տարիների ընդմիջումից հետո կմասնակցի նաև Հայաստանի հավաքական «Сборная Армении» թիմը։

ԼՈւՐԵՐ.com-ի թղթակցի հետ զրույցում պրոդյուսեր Նարեկ Արշակյանն ասաց, որ հինգ տարվա ընթացքում «Сборная Армении» թիմը հաջող մասնակցություն է ունեցել «АМИК» հեռուստատեսային ստեղծագործական միավորման` Մոսկվայի, Մինսկի, Սոչիի, Սանկտ-Պետերբուրգի, Կուրսկի և Տոլյատտիի պաշտոնական լիգաներում:

«2016թ. վերակազմավորված թիմն արդեն երկրորդ անգամ հաջող հանդես է գալիս հեռուստատեսային «Первая лига»-ում' ք.Տոլյատտի: Սոչի քաղաքում ընթացքող КИВИН-2016 միջազգային փառատոնի ժամանակ Ալեքսանդր Մասլյակովը անձամբ հրավիրերել է թիմին` մասնակցելու ակումբի ամենահեղինակավոր «Голосящий КИВИН» Փառատոն մրցույթին»,- ասաց նա:

Փառատոնը կհեռարձակի Ռուսաստանի դաշնային հեռուստաալիքը (ОРТ)։