Ամեն ինչ ակնհայտ է. Մեկնաբանում է Վահե Էնֆիաջյանը

Երեկ մամուլում հայտնվեց մի տեղեկությունայն, թե աշնանը Գյումրի քաղաքում սպասվող ՏԻՄ ընտրություններին ԲՀԿ-ի կողմից առաջադրված թեկնածուն հայտարարել է, որ դեռևս չի տվել կուսացության ներկայացված ցուցակը գլխավորելու իր համաձայնությունը։

ԼՈւՐԵՐ.com-ի թղթակցի հետ զրույցում Աժ ԲՀԿ խմբակցության քարտուղար Վահե Էնֆիաջյանն այս առթիվ ասաց, որ իր համար մի փոքր տարօրինակ էր, երբ մամուլում պատահաբար, թե դիտավորյալ, բայց փաստերի ակնհայտ անճշտություններ հայտնվեցին այն մասին, թե Գյումրիում սպասվող ՏԻՄ ընտրություններին ԲՀԿ թեկնածուն չի տվել իր համաձայնությունը:

«Իրականում ամեն ինչ շատ պարզ է' տիկին Զոհրաբյանը մամուլին տրված մեկնաբանության ժամանակ կարևորել է ԲՀԿ Գյումրիի տարածքային կառույցի ղեկավար Արմեն Բադեյանի' այդ քաղաքում ծնված, մեծացած և խնդիրներին ծանոթ լինելը, բայց, այդուամենայնիվ, չի հաստատել, որ մեր թեկնածուն պրն. Բադեյանն է լինելու: Ամեն ինչ ակնհայտ է' ԲՀԿ-ի ժողովրդական բարձր հեղինակությունը երևի ոմանց համար վտանգ է ներկայացնում և վերջիններս փորձում են մաղով ջուր կրել' սեփական ջրաղացն աշխատացնելու համար»,-ասաց Էնֆիաջյանը:

Պատգամավորի խոսքով՝ ընտրություններին դեռ ժամանակ կա և իրենք հավատարիմ լինելով օրենքի սահմանված պահանջներին, երբ կայացնեն իրենց  որոշումը, ապա հասարակությանն անպայման կտեղեկացնեն սպասվող յուրաքանչյուր գործընթացի մասին: