Եվրո 2016. Լեհաստանը հաղթեց Շվեյցարիային և դուրս եկավ քարորդ եզրափակիչ

Եվրո 2016»-ի 1/8 եզրափակիչների առաջին Շվեյցարիա-Լեհաստան հանդիպումն ավարտվեց: Հանդիպման ելքը որոշվեց 11 մետրանոց հարվածներով, որտեղ առավելության հասավ Լեհաստանը՝ 5-4 հաշվով:

1-ին խաղակեսի մեկնարկը ցույց տվեց, որ թիմերը առաջին րոպեներից չեն պատրաստվում գրոհի նետվել և լուծել դիմակայության ելքը: Առաջին խաղակեսը այդպես էլ ավարտվեց' 1-0 հօգուտ Լեհաստանի:

2-րդ խաղակեսը Շվեյցարիան սկսեց ակտիվ հարձակողական խաղով: Շվեյցարիայի հավաքականի ֆուտբոլիստը շրջադարձ հրաշալի հարվածով՝ 82-րդ րոպեին, հավասարեցրեց խաղի հաշիվը: Դա «Եվրո 2016»-ի առայժմ ամենագեղեցիկ գոլն էր: Հանդիպման հիմնական ժամանակը այդպես էլ ավարտվեց և թիմերը պայքարը շարունակեցին լրացուցիչ ժամանակում:

Լրացուցիչ ժամանակի 1-ին կեսում թիմերի գործողություններում զգացվեց հոգնածությունը: 15 րոպե տևած պայքարում թիմերը լիարժեք վտանգավոր գրոհ չկարողացան կազմակերպել: 2-րդ կեսում առավոլությունը Շվեյցարիայի հավաքականի կողմն էր: Հանդիպման 112-րդ րոպեին, Էրին Դերդիոկի հարվածից հետո Լուկաշ Ֆաբիանսկին հրաշքով փրկեց իր թիմին: Դերդիոկը 118-րդ րոպեին կրկին ստացավ դարպասը գրավելու հնարավորություն, ու կրկին չօգտագործեց այն: Լրացուցիչ ժամանակի վերջին րոպեին Լեհաստանը ստացավ իր շանսը: Լուկաշ Պիշչեկը ներեց Շվեյցարիային: Ավելացրած ժամանակն էլ ավարտվեց հա շտությամբ, և նշանակվեց 11 մետրանոց հարվածաշար:

11 մետրոնոցներն իրացնելիս ավելի վստահ իրենց զգացին լեհերը: Շվեյցարացի Գրանիտ Ջակայի հարվածը շեղ ընթացավ, իսկ վճռական հարվածը հիանալի կատարեց Գժեգոշ Կրիխովյակը: Լեհաստանի հավաքականը դարձավ 1-ին հավաքականը, որը դուրս եկավ քառորդ եզրափակիչ և կսպասի Խորվաթիա-Պորտուգալիա զույգի հաղթողին: