Նեյմարը երկարաձգեց պայմանագիրը «Բարսելոնայի» հետ. ֆուտբոլիստի հրաժարագինը 200-250 մլն եվրո է

Կատալոնյան «Բարսելոնան» պաշտոնապես հայտարարել է բրազիլացի հարձակվող Նեյմարի հետ պայմանագիրը երկարաձգելու մասին: Այս մասին գրում է կատալոնական ակումբի պաշտոնական կայքը:

Նոր պայմանագիրը ուժի մեջ կլինի մինչև 2021 թվականը: Առաջին տարում բրազիլացու հրաժարագինը կազմում է 200 մլն եվրո, երկրորդ տարում՝ 222, իսկ դրանից հետո՝ 250 մլն եվրո:

Նշենք, որ Նեյմարի նախկին  պայմանագիրը «կապտանռնագույնների» հետ ավարտվում էր 2018 թ.: Ֆուտբոլիստը կատալոնական ակումբ է տեղափոխվել 2013 թ.: