Մխիթարյանը «դժոխքային» տաղանդ է

«Մանչեսթեր Յունայթեդի» նոր կիսապաշտպանը այնպիսի խաղացող է, ում դեմ  պաշտպանները ատում են խաղալ: Նա շատ խնդիրներ է ստեղծում պաշտպանների համար և կարողանում է գոլ խփել: Այս մասին անգլիական ակումբի պաշտոնական կայքի հետ զրույցում նշել է Հայաստանի հավաքականի գլխավոր մարզչի նախկին պաշտոնակատար Թոմաս Ջոնսը` խոսելով Հենրիխ Մխիթարյանի` «կարմիր սատանաների» կազմը համալրելու մասին: 

«Առաջին անագամ Հենրիխին տեսել եմ Մ21 տարեկանների հավաքականում: Այդ ժամանակ ես ասացի, որ նա չափից լավ է խաղում և պետք է ընդգրկվի հիմնական թիմում... Նա մեծագույն տղա է և շատ քաղաքավարի է խոսում»,- հիշում է  Ջոնսը:

«Նրա խաղին մի քանի անգամ հետևել եմ նաև «Փյունիկում»: Նույնիսկ մարզումների ժամանակ նա անհավանական տաղանդավոր է»,- հավելել է մարզիչը:

Խոսելով Մխիթարյանի` աշխարհի լավագույն ակումբներից մեկում հանդես գալու մասին, Ջոնսը նշել է, որ 27-ամյա ֆուտբոլիստի համար խնդիր չի լինի.

«Տեղափոխվել մի ակումբ, ինչպիսին «Յունայթեդն» է, այլ մակարդակ է նման փոքր երկրի խաղացողի համար, բայց Մխիթարյանը կկարողանա հաղթահարել դա: Նա արդեն Հայաստանից հասել է մինչև Դորտմունդ: Տարիներ առաջ նրան ցանկանում էր ձեռք բերել նաև «Լիվերպուլը»:

Ջոնսը նշել է, որ անպայման հետևելու է 2016/17 մրցաշրջանում Մխիթարյանի խաղին՝ «Օլդ Թրաֆորդում».

«Տղան «դժոխքային» տաղանդ է»:

Անհամբերությամբ սպասում ենք նրան տեսնել կարմիր մարզաշապիկով,- գրում է կայքը: