«Հրապարակ». Հովիկ Աբրահամյանի «մեսիջը»

Որքան էլ կառավարությունը, «Գազպրոմ-Արմենիան» պնդեն, որ որևէ քաղաքական «մեսիջ» չկա Հովիկ Աբրահամյանի՝ Իրանի առաջին փոխնախագահին դիմելու մեջ, որով խնդրում է Իրանից Հայաստանին տրամադրվող գազի ծավալներն ավելացնել՝ Վրաստանում գազատարի վերականգնման հետ կապված, ինչին, մեր տեղեկություններով, իրանական կողմը համաձայնել է, այնուհանդերձ, ոմանք ուղիղ կապ են տեսնում նույն օրն Ադրբեջանում Լավրով-Ալիև-Մամեդյարով հանդիպման և այդ քայլի միջև։ Գրում է «Հրապարակ»-ը:

Բանն այն է, որ «Գազպրոմ-Արմենիայի» Աբովյանի պահեստարանում գազը բավարար է ամռանը ՀՀ պահանջարկը բավարարելու համար, սակայն հայկական կողմը ցուցադրաբար դիմել է իրանական կողմին և բարձրաձայնել է այդ մասին՝ ցույց տալու համար, որ Ռուսաստանին այլընտրանք կա։

Հիշեցնենք, Քոչարյանի օրոք նույն Ռուսաստանի պահանջով իրանական գազախողովակը խիստ նեղացել էր։ Ի դեպ, 1-2 տարի առաջ Հայաստանը կրկին դիմել էր Իրանին, սակայն դա չէր հրապարակայնացվել:

Մանրամասները՝ թերթի այսօրվա համարում։