Չարիք է դարձել այդ ընկերությունը, փողերն են տանում, ինչ են անում, ճշտեք. Աբրահամյանը բարկացավ
Հասարակություն
Կառավարության այսօրվա նիստում վարչապետ Հովիկ Աբրահամյանը հարց ուղղեց Տրանսպորտի և կապի փոխնախարար Արթուր Առաքելյանին:
«Ինչո՞ւ է Հյուսիս-հարավ ավտոմայրուղու Աշտարակ-Թալին ճանապարհի շինարարությունը դանդաղում»,- հարցրեց վարչապետը:
Ի պատասխան' փոխնախարարը նշեց, որ շինարարությունն ընթանում է սահմանված գրաֆիկով և, որ իրենք նման ահազանգ չեն ստացել:
«Իմ ասածն ահազանգ չէ՞»,- հարցեց վարչապետն ու հավելեց, որ խնդիրը կապված է իսպանական ինչ-որ ընկերության հետ, որը չարիք է դարձել:
«Չեմ հասկանում' էդ ի՞նչ ընկերություն է, չե՞ք կարողանում տեսնել' ինչո՞ւ է խնդիր առաջանում, չարիք է դարձել այդ ընկերությունը, փողերն են տանում, ինչ են անում, ճշտեք»,- ասաց Հովիկ Աբրահամյանը:
Առաքելյանը պատասխանեց, որ ֆինանսական խնդիրներ են եղել:
Հովիկ Աբրահամյանը հանձնարարեց ուսումնասիրություն կատարել և նշեց, որ իրեն այդ մասին անձամբ «ներսի մարդիկ» են ասել:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
