«Թուրքական հոսքը» կարող է փակել Ադրբեջանից գազի մատակարարումները. Reuters
Աշխարհ
Եվրամիությունում տագնապ է առաջացրել «Թուրքական հոսք» գազատար խողովակաշարի նախագծի հնարավոր վերականգնման մասին Մոսկվայի և Անկարայի հայտարարությունը, որով նախատեսվում է ռուսաստանյան գազը Թուրքիայով փոխադրել Եվրոպայի հարավային տարածաշրջաններ:
Այս մասին հայտնում է Reuters լրատվական գործակալությունը' հղում կատարելով ԵՄ-ում դիվանագիտական աղբյուրներին:
Բրյուսելում ենթադրում են, որ նոր գազատարը կամրապնդի Մոսկվայի դիրքերը:
Եվրոպացի դիվանագետների կարծիքով' «Թուրքական հոսքի» գործարկումից հետո Ուկրաինան կզրկվի Եվրոպա գազի տարանցողի կարգավիճակից, «Գազպրոմից» ԵՄ-ի կախվածությունը կմեծանա, ընդ որում Կասպյան տարածաշրջանից, այդ թվում' Ադրբեջանից գազի այլընտրանքային մատակարարումները կփակվեն:
«Ռուսաստանի եւ Թուրքիայի նոր բարեկամությունը կարող է խնդիր դառնալ, եթե Ռուսաստանը փորձի Ուկրաինան փոխարինել Թուրքիայով», -մեկնաբանել է ԵՄ-ի բարձրաստիճան դիվանագետը:
Աղբյուրի խոսքով' Անկարան շահագրգռված է Ռուսաստանից էժան գազի մատակարարումներով եւ, հավանական է, մի շարք խնդրահարույց պահանջներ կառաջադրի ԵՄ-ին:
ԵՄ-ում երկյուղածությամբ են հետեւելու Ռուսաստանի եւ Թուրքիայի նախագահների առաջիկա հանդիպմանը, որի ընթացքում կարող է համաձայնեցվել «Թուրքական հոսքի» գծով գործարքը, նշում է Reuters-ը:
ՈՒՂԻՂ ԵԹԵՐ
Ամենադիտված 
Պատմական հաղթանակ․ Հայաստանը դարձավ աշխարհի առաջնության մեդալային հաշվարկի հաղթող
