Հնարավո՞ր է Կարեն Կարապետյանն այնքան պահանջկոտություն դրսևորի, որ ՀՅԴ-ն ինքնակամ վայր դնի պորտֆելները
Քաղաքական
Այսօր խորհրդարանական ճեպազրույցների շրջանակում լրագրողների հետ հանդիպմանը ԱԺ ՀՅԴ խմբակցության ղեկավար Արմեն Ռուստամյանը պատասխանեց հարցին, թե հնարավո՞ր է, որ նորանշանակ վարչապետ Կարեն Կարապետյանն այնքան պահանջկոտություն դրսևորի, որ ՀՅԴ-ն ինքնակամ վայր դնի պորտֆելները:
«Մենք ցանկանում ենք, որ դա տեղի ունենա անընդհատ: Եթե վարչապետը պահանջկոտ է, դա միայն ողջունելի է: Եվ մենք մեր նախարարներին չենք ասում, որ այնտեղ իրենք պաշտպանված են նրա համար, որ դաշնակցական են: Նրանք պաշտպանված են իրենց աշխատանքով, իրենց պրոֆեսիոնալ կարողություններով»,- ասաց Ռուստամյանը:
Պատգամավորի խոսքով`իրենք՝ որպես քաղաքական ուժ, կառավարությունում ներկայացված են այնքանով, որքանով ունեն համաձայնություն, որը հրապարակվել է և ներկայացվել է հանրությանը: Այսինքն՝ համաձայնեցրել են արտաքին և ներքին քաղաքականության ռազմավարությունը, որին պետք է համապատասխանեն բոլոր քայլերը:
«Ես կոչ եմ անում բոլորին, այդ թվում նաև վարչապետին, որ մենք միասին խոսենք հայեցակարգված ռազմավարության հստակ քաղաքական դրույթների շուրջ, համապատասխանեցնենք քայլերը՝ կապված օբյեկտիվ խնդիրների հետ»,- նշեց ՀՅԴ-ական պատգամավորը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
