Վահան Մարտիրոսյանը չբացառեց կադրային փոփոխությունները

Այսօր կառավարության նիստից հետո լրագրողների հարցերին պատասխանեց Տրանսպորտի, կապի և տեղեկատվական տեխնոլոգիաների նախարարության նորանշանակ նախարար Վահան Մարտիրոսյանը:

Նախարարը, անդրադառնալով կադրային փոփոխություններին, չբացառեց այդպիսիք՝ «Եթե մարդիկ նորմալ աշխատում են, նորմալ պահանջներին բավարարում են, կադրային փոփոխություններ չեն լինի, եթե չեն բավարարի՝ իհարկե, կլինեն»:

Նորանշանակ նախարարը չկարողացավ պատասխանել ոլորտի խնդիրներին վերաբերող հարցերին, օրինակ՝  տաքսու վարորդների՝ Հյուսիս-հարավ ավտոմայրուղու կառուցմանն առնչվող խնդիրները ինչ լուծում են ստանալու: Նախարարը խնդրեց իրեն ժամանակ տալ, քանի որ ընդամենը մի քանի ժամ է, որ զբաղեցնում է այդ պաշտոնը:

Նախարարը նշեց նաև, որ արդեն ինքն այդ առնչությամբ ծրագիր ունի: