Գլխավոր դատախազը լավ դիվանագետ է, ամեն ինչ կանի ծածուկ, տակից․ «Հրապարակ»

«Հրապարակ» օրաթերթը գրում է․

Գլխավոր դատախազությունում սրտատրոփ սպասում են, թե ինչ կադրային փոփոխություններ է անելու Արթուր Դավթյանը: Նա արդեն մտել է գլխավոր դատախազի դերի մեջ, ինքնահաստատվել, մի քիչ էլ զարմացել նոր պաշտոնով:

Սակայն կադրային փոփոխություններ դեռ չի շտապում անել: Ի տարբերություն Կոստանյանի` նա լավ դիվանագետ է և իր պաշտոնավարման ընթացքում կխուսափի կտրուկ քայլերից, ամեն ինչ կանի կամաց, ծածուկ, տակից:

Դատախազությունում կադրային փոփոխությունները կմեկնարկեն կառավարության ձևավորումից հետո: Այժմ այդտեղ թափուր է Արթուր Դավթյանի նախկին՝ դատախազի տեղակալի հաստիքը, որտեղ նշանակում պետք է անի նախագահը:

Ինչ վերաբերում է նախկին գլխավոր դատախազ Կոստանյանին, արդեն հայտնի է, որ նա գնալու է Վրաստանում ՀՀ դեսպան, սակայն թե որքանով կհաջողի այդ պաշտոնում, դեռ հարց է:

Մանրամասները՝ թերթի այսօրվա համարում։