Ստեղծվեց այնպիսի տպավորություն, կարծես, մենք բոլորս կախված ենք մի Իսկանդերից․ «Ժամանակ»
Հայկական Մամուլ
«Ժամանակ» թերթը գրում է․
Այնպիսի տպավորություն է, որ ոչ թե անկախության, այլ Իսկանդերի տարեդարձն է նշվել, մենք ոչ թե անկախություն, այլ Իսկանդեր ենք ձեռք բերել, պայքարել ենք դրա համար, զոհեր ենք տվել դրա համար, դարերով հենց դա ենք երազել։ Հայաստանի անկախության 25-ամյակի տոնակատարությունների և հանդիսությունների մեխն ու հետքը դարձան հրթիռային այդ համակարգերը, որ ցուցադրվեցին անկախության տոնի առիթով կազմակերպված զորահանդեսին։ Նույնիսկ մեր բանակը, քսանհինգ տարի պետությունը պահող զինվորը, կարծեք, մինչ այդ չէր եղել և միայն Իսկանդերով եղավ։
Նկատվե՞ց, որ ստեղծվեց այնպիսի տպավորություն, կարծես մենք բոլորս կախված ենք մի Իսկանդերից՝ կա Իսկանդերը, կանք մենք, չկա Իսկանդերը, չկանք մենք։ Իհարկե այդ աղմուկը կանցնի, իհարկե ամեն ինչ կհանդարտվի, պաթոսն ու ոգևորությունը կզսպվի: Սակայն արդեն իսկ տեղի ունեցածն ինքնին մեզ պետք է տա խորհելու բավականին լուրջ տեղիք, առիթ։ Մենք պետք է հասկանանք, որ մեր անկախությունը չպետք է կախված լինի ոչնչից, մեր անկախությունն, ըստ էության, պետք է անկախ լինի։
Մանրմասները՝ թերթի այսօրվա համարում։
ՈՒՂԻՂ ԵԹԵՐ
Ամենադիտված 
Հայաստանը և Ադրբեջանը տարածքների փոխանակում պետք է իրականացնեն. Փաշինյան
