Օգնություն արգելափակված մեքենաների վարորդներին

Հոկտեմբերի 1-ին, ժամը 00.48-ին ահազանգ է ստացվել, որ Ջրաձոր-Կապս ավտոճանապարհին «ԳԱԶ-3110» մակնիշի ավտոմեքենան սահել է ձորը. ավտոմեքենան դուրս բերելու համար անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Ամասիա-Գյումրի ավտոճանապարհի 11–րդ կմ-ում «ԳԱԶ-3110» մակնիշի 19SL114 պ/հ (վարորդ Խ, Խ,) ավտոմեքենան դուրս է եկել ճանապարհի երթևեկելի հատվածից և սահել ձորը (մոտ 10 մ), տուժածներ չկան:

Փրկարարներն ավտոմեքենան դուրս են բերել ճանապարհի երթևեկելի հատված:

Հոկտեմբերի 1-ին, ժամը 21.29-ին տեղեկատվություն է ստացվել, որ Արմավիրի մարզի Արմավիր քաղաքի ՀԱԷԿ-ի մոտակայքում գտնվող ջրափոսում ավտոմեքենա է ընկել:

Դեպքի վայր է մեկնել մեկ մարտական հաշվարկ:

Փրկարարներն արգելափակումից դուրս են բերել «Opel Astra» մակնիշի 34 DR 402 պ/հ (վարորդ Մ. Շ.) ավտոմեքենան: