Որ կուսակցությունները կլինեն ավագանու կազմում և քանի մանդատ կստանան Վանաձորում և Գյումրիում. տվյալներ

Երեկ՝ հոկտեմբերի 2-ին, Վանաձորում անցկացված տեղական ինքնակառավարման մարմինների ընտրություններում, ըստ ԿԸՀ-ի հրապարակած նախնական տվյալների, Հայաստանի Հանրապետական կուսակցությունը ստացել է 14.899 ձայն, «Լուսավոր Հայաստանը»՝ 10.899, իսկ «Հայկական վերածնունդ»-ը՝ «Օրինաց երկիր»-ը՝ 5.286 ձայն։ 

Վանաձորում «Բարգավաճ Հայաստան» կուսակցությունը ստացել է 2872 ձայն, «Հայ Յեղափոխական Դաշնակցություն»-ը՝ 2522, «Քաղաքացիական պայմանագիր»-ը՝ 1617, «Համախմբում»-ը՝ 984, «Հայ ազգային կոնգրես»-ը՝ 551։

Ստացվում է՝ Վանաձորի ավագանու անդամների համար անցողիկ շեմը հաղթահարել է 5 կուսակցություն՝ ՀՀԿ-ն, «Լուսավոր Հայաստան»-ը, «Հայկական վերածնունդ»-ը, ԲՀԿ-ն և ՀՅԴ-ն։ 

Իսկ Գյումրիում նախնական արդյունքներով 6 տոկոսի շեմը հաղթահարել են հետևյալ կուսակցությունները՝ «Բալասանյան դաշինք» (34.64 %), ԲՀԿ (20.70%), «Հայկական վերածնունդ» (10.62%), ԳԱԼԱ (10.49 %):

Ձայների հաշվարկը դեռ վերջնական չէ, հնարավոր է փոփոխություններ լինեն։ Գյումրու ավագանու 33 մանդատները բաշխվում են հետևյալ կերպ. «Բալասանյան դաշինք»՝ 17 մանդատ, ԲՀԿ ՝ 8 մանդատ, ԳԱԼԱ՝ 4 մանդատ, «Հայկական վերածնունդ»՝  4 մանդատ: Ըստ այդ Գյումրու քաղաքապետ է ընտրվել Սամվել Բալասանյանը: