Դժգոհող մասսա կա և իշխանությունները պետք է հետևություններ անեն. Վահրամ Բաղդասարյան

ՀՀԿ խմբակության ղեկավար Վահրամ Բաղդասարյանն այսօր Ազգային ժողովում՝ պատասխանելով հարցին, թե ժողովուրդը մշտապես բողոքում է ՀՀԿ-ից, իշխանություններից, հանրահավաքներ է անում, բայց ընտրությունների ժամանակ այդ ի՞նչ կախարդական փայտիկ է օգտագործվում, որ կարողանում է այդպիսի արդյունքներ արձանագրել, Վահրամ Բաղդասարյանը պատասխանեց.«Բնականաբար, միշտ էլ բողոքում են ուժեղներից, հանրահավաքների ժամանակ հավաքված մարդիկ խոսում են հանրության անունից, բայց ընտրություններն ամնենալավ ինդիկատորն են, ցուցանիշն են, առավել ևս՝ այս ընտրութնները, նաև Գյումրու ու Վանաձորի, որոնք քաղաքական ընտրություններ էին, ոչ թե անհատների: Դժգոհ մասսան կա և դրանից ՀՀԿ-ն պետք է անի հետևություններ: Իրոք, ունենք պրոբլեմներ և մեր որդեգրած ճանապարհը, հապաղելու ճանապարհ չունենալը գալիս է նրանից, որ մենք հաշվի ենք նստում այդ բողոքող մասսայի հետ, որոնց բողոքների մի մասն արդարացված է»: 

Անդրադառնալով Նիկոլ Փաշինյանի այն հայտարարությանը, որ իրենք Գյումրիում և Վանաձորում ծանր պարտություն են կրել, Վ. Բաղդասարյանը նկատեց. «Քաղաքացիական պայմանագիր» կուսակցության նախագահը շատ ազնիվ է և խոստովանում է, որ ծանր պարտություն են կրել:

«Դա նշանակում է, որ իրենք պետք է հետևություններ անեն: Ես՝ որպես քաղաքական գործիչ, անընդհատ քննադատել եմ, որ այսքան քաղաքական ուժեր, որ անընդհատ ասում են, թե ՀՀԿ-ն իրեն սպառել է, բայց ՏԻՄ ընտրությունների ժամանակ թեկնածուներ չէին ունենում, սակայն այս ընտրություններում դա այդպես չէ, բավականին ակտիվություն կար»: