Գյումրիում մահացած 11-ամյա տղայի հարազատներն ու ուսուցիչները նրա մոտ սրտի գանգատներ չեն նկատել

Գյումրիում հոկտեմբերի 4-ին մահացած 11 տարեկան տղայի հարազատների ու ուսուցիչների բնութագրմամբ երեխան երբեք սրտի գանգատներ չի ունեցել, հաճախել է ֆուտբոլի պարապմունքների:

Գյումրութիվ 21 «Օյունջյան» դպրոց-վարժարանում ֆիզկուլտուրայի դասաժամին պարապմունքներ անցկացնելիս մահացել է 11-ամյա Ս. Տ.-ն:

Տղան ֆիզկուլտորայի ժամին վազել, ապա վատ է զգացել և նստելուց հետո կորցրել է գիտակցությունը: Մինչ շտապ օգնության ժամանումը ֆիզկուլտուրայի ուսուցիչը փորձել է ուշքի բերել երեխային: Շտապ օգնության մեքենայով երեխան ժամը 11:15-ին տեղափոխվել է Գյումրու «Մոր և մանկան ավստրիական հիվանդանոց», բայց արդեն ագոնալ մահամերձ վիճակում: Հիվանդանոցում բժիշկները պայքարել են նրա կյանքի համար« սակայն փոքրիկի կյանքը փրկել չի հաջողվել:

«Երեխային շտապօգնության մեքենայով հիվանդանոց բերել են 11.15-ի մոտ՝ արդեն մահամերձ վիճակում՝ սրտի կանգով, բայց դեռ կենսաբանական մահը չէր գրանցվել: Վերակենդանացում ենք արել մոտ 30 րոպե՝ արհեստական շնչառություն, սրտի մասաժ, ամեն ինչով՝ դեղորայքային ու ապարատային բոլոր միջոցառումները, սակայն ոչ մի արդյունք չտվեց, գրանցվեց մահ: Այն, թե երեխայի մոտ ինչու է արձանագրվել սրտի կանգ՝ ասել չենք կարող»,-«Արմենպրես»-ին տեղեկացրեց հիվանդանոցի տնօրեն Աշոտ Կուրղինյանը:

Արմենուհի Մխոյան