Արքայազն Հարրիին եւ նրա ընկերուհուն տեսել են տոնածառ գնելիս
Այլ
Արքայազն Հարրիին եւ նրա ընկերուհուն՝ ամերիկացի դերասանուհի Մեգան Մարքլին նկատել են Լոնդոնի խանութում Ծննդյան տոների տոնածառ գնելիս: Զույգը հրաժարվել է ծառի առաքման ծառայությունից. արքայազնը եղեւնին տարել է ուսին դրած:
Նորությունը, որ 32-ամյա Հարրին հանդիպում է ամերիկյան «Ֆորս-մաժոր» սերիալի 35-ամյա աստղի հետ, հայտնվել է նոյեմբերի սկզբին:
Համատեղ այցը խանութ հանրության մեջ զույգի հայտնվելու առաջին դեպքերից է: Բաթերսի փարքում գտնվող խանութի աշխատակցուհին հանդիպման մասին պատմել է ավելի մանրամասն: «Նրանք լավ գիտեին, թե իրենց ինչ ծառ է հարկավոր, այնպես որ ընտրեցին ոչ երկար: Նրանք սիրալիր էին եւ շատ հաճելի® Եվ ես չհասկացա, որ այդ նրանք են»,- խոստովանել է Զաքիա Քրոուֆորդը:
Զույգի ընտրությունը կանգ է առել այսպես կոչված կովկասյան բրգաձեւ սոճու վրա, որն աճում է Մերձսեւծովյան արեւելքի լեռներում:
Կովկասյան բրգաձեւ սոճին դնելով ուսին եւ բռնելով ընկերուհու ձեռքը՝ արքայազն Հարրին դուրս է եկել խանութից:
Զանգվածային լրատվամիջոցներից մի քանիսի հաղորդմամբ՝ Մարքլը, որը Լոնդոն է ժամանել դեկտեմբերի 11-ին, կանգ է առել Քենսինգթոնի պալատի տարածքում գտնվող Նոթինհեմի մենատանը:
Քենսինգթոնի պալատը հրաժարվել է մեկնաբանել եղեւնու գնման վերաբերյալ հաղորդումները:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
