Ավտովթար Ապարանում. 8 տոննա բեռով մեքենան կողաշրջվել է, վրացի վարորդը հիվանդանոցում է

Այսօր՝ դեկտեմբերի 14-ին, խոշոր ավտովթար է տեղի ունեցել Արագածոտնի մարզում։

Ժամը 06։30-07։00-ն ընկած ժամանակահատվածում բեռնատար Mercedes մակնիշի DHԼ 759 համարանիշի ավտոմեքենայի վարորդը Երևան-Վանաձոր ավտոճանապարհի 70-րդ կմ հատվածում՝ Ապարանի վարչական տարածքում դուրս է եկել երթևեկելի գոտուց և կողաշրջվել։

Վթարի հետևանքով վարորդը, ով, ըստ դեպքի վայրում հավաքվածների, Վրաստանի հանրապետության քաղաքացի, 46-ամյա Զաալ Կապանաձեն է, մարմնական վնասվածքներով տեղափոխվել է Ապարանի բժշկական կենտրոն։

Ֆոտոլրագրող Գագիկ Շամշյանի տեղեկություններով՝ բեռնատարը բարձված է եղել 8 տոննա արքայախնձորով։

Մաանրամասները՝ shamshyan.com կայքում: