Ավտոտրանսպորտային միջոցների տեխզննման կարգը կփոխվի

Կառավարությունը վերանայելու է ավտոտրանսպորտային միջոցների տեխզննման կարգը: Տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը կառավարությունում լրագրողների հետ զրույցում նշեց, որ ցանկանում են կազմակերպել նորմալ տեխզննում, ոչ թե ուղղակի վաճառվի կտրոնն ու փակցվի մեքենայի ապակուն:

«Այս փուլում բոլոր տեխզննման կենտրոնների տեխնիկական վիճակի ուսումնասիրություն է իրականացվում: Հույս կա, որ մոտ երկու ամսվա ընթացքում համապատասխան որոշման նախագիծը կներկայացվի կառավարության հաստատմանը»,-ասաց նախարարը՝ ավելացնելով, որ իրավիճակը փոխելու համար օրենսդրական փոփոխություն պետք է լինի: