«Հրապարակ». ՊԵԿ շարունակվող կադրային փոփոխությունները քաղաքական երանգ են ստանում

«Հրապարակ» թերթը գրում է.

«Պետեկամուտների կոմիտեում շարունակվող կադրային փոփոխությունները նախընտրական շրջանում նաև քաղաքական երանգ են ստանում։ Մեր տեղեկություններով՝ Կապանի հարկային տեսչության պետ Դավիթ Ղալումյանին պաշտոնանկ են արել։ Նրա փոխարեն նշանակվել Է տեսուչներից մեկը՝ Դավիթ Դավթյանը։ Ի դեպ, Դավիթ Ղալումյանը նախկինում եղել Է Գյումրու, Երևանի Մաշտոցի հարկային բաժնի պետ։ Նա Իջևանի ԲՀԿ-ական քաղաքապետ Վարդան Ղալումյանի ազգականն Է։ Ընդամենը մի քանի օր Արաբկիրի հարկայինի պետի տեղակալ աշխատած Սուրիկ Էլոյանն էլ այժմ տեղափոխվել է էրեբունու հարկայինի պետի պաշտոնին։ Հետաքրքիր է՝ այստեղ քանի ժամ կհասցնի պաշտոնավարել։ Նշենք, որ Վարդան Հարությունյանի կադրային փոփոխություններին ՊԵԿ–ում մի բացատրություն են տալիս՝ նորանշանակ պետը յուրայիններին է բերում, իսկ նրանք, որպես կանոն, առանձնապես ուժեղ և հմուտ կադրեր չեն և դժվար թե ինքնուրույն գործոն դառնան և անկախ գործունեություն ծավալեն»։

Մանրամասները՝ թերթի այսօրվա համարում։