Ուսեյն Բոլտի վերջին ելույթն ու նորընծա չեմպիոնի խոնարհումը լեգենդի առջև (տեսանյութ, լուսանկարներ)

Ջամայկացի լեգենդար արագավազորդ Ուսեյն Բոլտն անհատական պայքարում կարիերայի վերջին 100 մետր վազքում պարտություն կրեց:

Օլիմպիական 8-ակի չեմիոնը Լոնդոնի  աշխարհի առաջնությունում նվաճեց բրոնզե մեդալ:

Բոլտը գրանցեց 9,95 վայրկյան արդյունք: Երկրորդ տեղը գրավեց  Քրիստիան Քոուլմանը՝ 9,94 վայրկյանով, չեմպիոն դարձավ Ջասթին Գեթլինը՝ 9,92 արդյունքով:

Սա Բոլտի կարիերայի անհատական խոշոր մրցաշարերի երզափակչում կրած առաջին և վերջին պարտությունը դարձավ:

30-ամյա Բոլտը դեռևս ելույթ կունենա թիմային պայքարում՝ 4×100 փոխանցումավազքում:

Եզրափակիչ դիմակայությունից հետո աշխարհի նորընծա չեմպիոն  Ջասթին Գեթլինը յուրահատուկ ժեստով հրաժեշտ տվեց լեգենդին՝ խոնարհվելով նրա առջև: