Արաբների հասարակաց տունը. Բաքու

 Ադրբեջանական այլատյացությունը, որը մշտապես դրսևորվել է այդ երկրում բնակվող ազգային, կրոնական փոքրամասնությունների և հարևան երկրների նկատմամբ, սկսել է բավականին ընդգծված արտահայտվել նաև Ադրբեջան այցելող զբոսաշրջիկների նկատմամբ: Քսենոֆոբիական բնույթի գրառումները սաստկացել են մարմնավաճառության ծավալների ակներև աճի պայմաններում։

Ադրբեջանական հանրության շրջանում քսենոֆոբիական դրսևորումներն այնքան մեծ ծավալների են հասել, որ դրան ստիպված է եղել անդրադառնալ և փորձել մեղմել պետական քարոզչամեքենայի մաս կազմող haqqin.az-ը, քանի որ Ադրբեջանը ներկայումս նավթի համաշխարհային գների և պահանջարկի անկման պայմաններում հայտնվել է տնտեսապես խիստ անկայուն վիճակում և, ավելի քան երբեք, կարիք ունի  արտասահմանից այցելած զբոսաշրջիկներից  ստացված եկամուտների: Բաքուն ունի ասիացի զբոսաշրջիկների համար վտանգավոր քաղաքի վերածվելու բոլոր հնարավորությունները։ Ադրբեջանական քարոզչության առաջամարտիկն անկարող է թաքցել այլատյացության բուռն դրսևորումները․«Ատելության քարոզչությունն անհետևանք չի անցնում և հասարակության մի մասի մոտ ասիացի զբոսաշրջիկների նկատմամբ հակակրանքի ազդեցությունն, իհարկե, աճում է»։

 Ադրբեջանում զբոսաշրջության աճի հետ ավելի լայն տարածում է ստացել պոռնկությունը, ինչն իր ակնհայտ դրսևորումներով ավելի է գրգռել ադրբեջանական հասարակության այլատյաց վերաբերմունքը արտերկրից ժամանած հյուրերի նկատմամբ:

Ադրբեջանցի կանայք սկսել են առավել զանգվածային և բացահայտ սպասարկել արտերկրից ժամանած հյուրերին, ինչը սոցցանցերում բուռն քննարկման և քսենոֆոբիական դրսևորումների մեծ ալիք է բարձրացրել:

Ադրբեջանական քսենոֆոբիայի հիմնական թիրախ են դարձել արաբ տղամարդիկ, որոնց ադրբեջանական հասարակությունը մեղադրում է Բաքուն իրական հասարակաց տան վերածելու և ադրբեջանցի աղջիկների շրջանում մարմնավաճառության աճին նպաստելու մեջ: