Հիտլերը պետք է մահանար 1939 թվականին. ինչո՞ւ

Այլ 9 Մարտ, 2018 0:12

Քչերին է հայտնի այն փաստը, որ Երկրորդ համաշխարհային պատերազմի սկզբից մի քանի ամիս անց՝ նոյեմբերի 8-ին, ինքնաշեն ռումբ պայթեց Մյունխենի գարեջրի արտադրամասերից մեկում: Պայթյունի արդյունքում մահացան 8 մարդիկ, իսկ 62-ը վիրավորվեցին:

Միջադեպի պատճառների մասին քիչ բան է հայտնի, քանի որ Գերմանիան աշխատում էր ամեն կերպ գաղտնի պահել բոլոր տեղեկությունները, հենց այդ պատճառով էլ պատմաբաններն ու գիտնականները չեն հիշատակում դրա մասին:

Պայթյունի վայրում պարբերաբար ելույթ էր ունենում Հիտլերը՝ նացիոնալ-սոցիալիստական գերմանական բանվորական կուսակցություն անդամների դիմաց: Նացիստական ռեժիմի առաջատար գործիչները, այդ թվում նաև Հիտլերն ու Գեբելսը, այդ օրը գտնվում էին գործարանի նիստերի դահլիճում: Նրանք այդտեղից դուրս էին եկել պայթյունից րոպեներ առաջ: Հիտլերի ելույթը, որպես կանոն, տևեց 22 ժամ, սակայն այդ օր նա վերջացրեց իր խոսքը 21.07, որպեսզի հատուկ ճամփորդության մեկնի: Իսկ 21.20 ռումբը տրաքեց և ոչնչացրեց սրահի կեսից ավելին: Հաջորդ օրը Հիտլերն ասաց, որ նրան ինչ-որ բան հուշել է «ներքին ձայնը»: Եթե պայթյունի պահին Հիտլերը սրահում լիներ, ապա կսպանվեր: Սակայն դաժան պատերազմը կոչված էր շարունակվելու:

Մարդը, ով տեղադրել էր ռումբը, հասարակ կոմունիստ ատաղձագործ էր, ում անվանում էին Գեորգ Էլզեր, և ով ծնվել էր 1903 թ. հունվարի 4-ին աշխատավորների ընտանիքում: Նա Կարմիր Ֆրոնտի մարտիկ էր: 1925-1929 թ. աշխատել է ժամացույցի գործարանում, որտեղ էլ ունակություններ է ձեռք բերել ռումբի ժամաչափի կառուցման համար: Իր գիտելիքներն ավելի ուշ կիրառել է հարձակումների կազմակերպման համար:

Հարձակումը կազմակերպելու համար նա ստիպված էր լինում ամեն գիշեր այդ սրահ գնալ, որտեղ էլ ամբիոնի խոռոչում տեղադրել էր ռումբն ու ծածկել այն: Պայթյունից հետո Էլզերը փորձեց փախչել, սակայն 35 րոպե անց շվեյցարական սահմանին ձերբակալվեց: Գեստապոն նրան խոշտանգումների ենթարկեց, և վերջիվերջո նա խոստովանեց իր մեղքը: Խոստովանումից հետո Էլզերին ուղարկեցին Դահաուի համակենտրոնացման ճամբար: Հարձակման իր մոտիվացիայի մասին նա ասել է. «Այդ եղանակով ես ցանկանում էի կանխել հետագա արյունահեղությունները»: Ճակատագրի հեգնանքով Էլզերը գնդակահարվեց 1945 թ. ապրիլի 9-ին և չհացրեց տեսնել պատերազմի ավարտն ու Հիտլերի մահը: Գերմանիայում շատ փողոցներ ու հուշարձաններ կան, որոնք նրա անունն են կրում: Վերջերս Գեորգ Էլզերի 17 մետր բարձրություն ունեցող քանդակը, որն արվել է դրամատուրգ Ռոլֆ Հոհուտի նախաձեռնությամբ, տեղադրվել է Բեռլինի կենտրոնում: