Իրանում երկրաշարժից տուժածների մեջ հայեր չկան. ԱԳՆ

Ինչպես տեղեկացրել էինք, Իրանի արևմուտքում վերջին 24 ժամվա ընթացքում 4 երկրաշարժ է գրանցվել 5,8 մագնիտուդ ուժգնությամբ, որի հետևանքով կան հարյուրավոր տուժածներ։

ԼՈւՐԵՐ.com-ի հետ զրույցում ԱԳՆ լրատվության և հանրային դիվանագիտության վարչությունից փոխանցեցին, որ Իրանում երկրաշարժից տուժածների մեջ հայեր չկան և, ընդհանրապես, հայեր այդ վայրերում քիչ են բնակվում։

Նշենք, որ երկրաշարժերից ամենահզորը եղել է երրորդը՝ Քերմանշահ նահանգում։ Իսկ երկրաշարժերին հաջորդել է շուրջ 170 հետցնցում։