ԱՄՆ-Իրան բարձր մակարդակի բանակցությունների անցկացումը կախված է Թեհրանից. Թրամփ

Միացյալ Նահանգներ-Իրան բարձր մակարդակի բանակցությունների անցկացման հնարավորությունը կախված է Թեհրանից: Այս մասին Twitter-ի իր միկրոբլոգում գրել է ԱՄՆ  նախագահ Դոնալդ Թրամփը:

Ինչպես փոխանցում է ՏԱՍՍ-ը, Թրամփը, մասնավորապես,  գրել է. «Իրանի ու նրա տնտեսության վիճակը գնալով վատանում է  եւ արագ տեմպերով: Կհանդիպեմ, թե ոչ, կարեւոր չէ: Ամեն ինչ կախված է նրանցից:

Հուլիսի 30-ին Թրամփը հայտարարել էր Իրանի նախագահ  Հասան Ռուհանիի հետ առանց նախապայմանների հանդիպման պատրաստակամության մասին: Ավելի ուշ պետքարտուղար  Պոմպեոն նշել էր, որ Սպիտակ տան ղեկավարի գաղափարը կողջունի, եթե Թեհրանն այդուհանդերձ իրականացնի որոշ նախնական պայմանավորվածություններ: 

Հուլիսի 31-ին , սակայն, Պետքարտուղարության մամլո խոսնակը հստակեցրել էր, որ ամերիկյան դիվանագիտության ղեկավարը աջակցում է երկրի ղեկավարի առաջարկությանը, միեւնույն ժամանակ նշելով, որ առայժմ երկկողմ հանդիպումներ ու հեռախոսազրույցներ չեն նախանշվում:

Նախագահ Թրամփը օգոստոսի 1-ին կարծիք էր հայտնել, որ Թեհրանը տեսանելի ապագայում կցանկանա բանակցություններ սկսել Վաշինգտոնի հետ, միեւնույն ժամանակ, Թրամփը խոսել էր որեւէ կոնտակտից Իրանի հրաժարման հնարավոր սցենարի մասին: