Իրանի արտգործնախարարը ԱՄՆ-ին մեղադրել է Իրանում պետական հեղաշրջում նախապատրաստելու մեջ
Քաղաքական
Իրանի արտգործնախարար Մոհամմադ Զարիֆը մեղադրել է Միացյալ Նահանգներին Իրանում պետական հեղաշրջում նախապատրաստելու մեջ:
Այս մասին Մոհամմադ Զարիֆը գրել է Twitter-ի իր միկրոբլոգում:
Մասնավորապես, Իրանի արտգործնախարարը հայտարարել է, որ ԱՄՆ-ը այդ նպատակով Պետքարտուղարությունում հատուկ խումբ է ստեղծել:
«65 տարի առաջ ԱՄՆ-ը հեռացրեց ժողովրդի կողմից ընտրված Մոսադիկի կառավարությանը՝ հաստատելով դիկտատուրա եւ հաջորդ 25 տարիներին հպատակեցնելով իրանցիներին: Այժմ նախաձեռնող խումբը ծրագրում է նույնն իրականացնել ճնշման, ապատեղեկատվության եւ դեմագոգիայի միջոցով: Նրան դա չի հաջողվի»,-գրել է Զարիֆը:
ԱՄՆ պետքարտուղարությունը օգոստոսի 16-ին հատուկ խումբ էր ստեղծել՝ Իրանի հետ քաղաքականությունը կոորդինացնելու նպատակով: Խմբի աշխատանքները կղեկավարարի Բրայան Հուկը, որը կհանդիսանա Իրանի հարցով Միացյալ Նահանգների հատուկ ներկայացուցիչը:
ԱՄՆ պետքարտուղար Պոմպեոյի խոսքով, խումբը պատասխանատու է լինելու Միացյալ նահանգների եւ այն երկրների փոխգործակցության համար, որոնք կիսում են ԱՄՆ գնահատականները՝ կապված «իրանական սպառնալիքի» հետ:
Հուկը ԶԼՄ-ների հայտնել էր, որ խմբի ստեղծումը 1953թ ԱՄՆ-ի եւ Մեծ Բրիտանիայի հատուկ ծառայությունների իրականացրած օպերացիայի օրը «մաքուր համընկնում» է:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
