Մեկ հոգով պետություն չեն ստեղծում․ Գալուստ Սահակյան

«Մեկ հոգով պետություն չեն ստեղծում»։ Այս մասին այսօր լրագրողներին ասաց ՀՀԿ կուսակցության անդամ Գալուստ Սահակյանը, նշելով, թե ամբողջ կառավարության մեջ միայն Նիկոլ Փաշինյանն է աշխատում։

«Մենք խորհրդարանական կառավարման ձևի մեջ ենք մտել։ Կառավարությունն իր տեսակետը կարող է արտահայտել, բայց ԱԺ-ն էլ իր տեսակետը կարող է արտահայտել»։

Հարցին՝ ինչպե՞ս է տեսնում ստեղծված իրավիճակի հանգուցալուծումը, Սահակյանը պատասխանեց․ «Ես կարծում եմ, որ յուրաքանչյուր պետության ճանապարհը որոշում են քաղաքական կուսակցությունները, այդ իմաստով անհրաժեշտ է, որ կուսակցությունները բանակցեն մեկը մյուսի հետ և ճիշտ որոշման գան»։

Դիտարկմանը, թե Նիկոլ Փաշինյանը հայտարարել է, որ պայմանավորվածություն կա, թե իր հրաժարականի դեպքում ԱԺ խմբակցությունները թեկնածու չեն առաջադրի, Գալուստ Սահակյանն արձագանքեց.

«Նման հարց չենք քննարկել»։