Կանչերի դեպքում զանգահարողի տեղն ու անձնական տվյալները կֆիքսվեն․ ԱԺ-ն նոր օրինագիծ ընդունեց
Հասարակություն
Այսուհետ շտապ օգնություն, փրկարար ծառայություն ու ոստիկանություն զանգահարելիս ավտոմատ տեղորոշման համակարգով կորոշվի զանգահարողի գտնվելու վայրը։ Պատգամավորների կողմից մտահոգության առիթ հանդիսացած այս օրինագիծն այսօր ընդունվեց ԱԺ-ում։
Ըստ օրինագծի՝ նախատեսվում է 9-11, 1-02 և 1-03 համարներին կատարվող զանգերի համար կիրառել ավտոմատ տեղորոշման համակարգ: Ծառայությունների հեռախոսային աշխատակցին հասանելի կլինի նաև զանգահարող քաղաքացու անձնական տվյալները:
Օրինագծի ընդունման հիմնավորումն այն է, որ շատ հաճախ այդ համարներով զանգահարող քաղաքացիները չեն կարողանում նույնիսկ մոտավոր ներկայացնել իրենց գտնվելու տեղը, այսինքն` դեպքի վայրի հասցեն կամ որոշ անձնական տվյալներ հաղորդել։ Դրա հետևանքով անհրաժեշտ օգնությունը հաճախ ուշանում է։
Պատգամավորները օրինագիծը քննարկելիս մտահոգություն էին հայտնել, որ անձնական տվյալների գաղտնազերծումը կարող է մարդու իրավունքների խախտման հանգեցնել, սակայն խորհրդարանն այսօր 54 կողմ ձայնով հաստատեց կառավարության ներկայացրած «Էլեկտրոնային հաղորդակցության մասին» ՀՀ օրենքում լրացումներ ու փոփոխություններ կատարելու մասին» օրենքի նախագիծը:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
