Կներեք, Ձեր մեկնաբանություններն աբսուրդ են. վարչապետը՝ Սփյուռքի նախարարին
Քաղաքական
Կառավարության այսօրվա նիստում քննարկվեց նաև Ֆրանկոֆոնիայի 17-րդ գագաթնաժողովի կապակցությամբ հոկտեմբերի 11-ը և 12-ը ոչ աշխատանքային օրեր սահմանելու հարցը: Վարչապետի համոզմամբ, անհրաժեշտ են որոշակի օրենսդրական փոփոխություններ կատարել:
Վարչապետը նախ դժգոհություն հայտնեց օրենքում փոփոխություն ձևակերպումից, որ 4 և ավելի նախագահների այցելության դեպքում է կառավարությունը լիազորված աշխատանքային օր տեղափոխել:
«Ենթադրենք՝ երկրների ղեկավարներ չեն այցելում, այլ պատանեկան օլիմպիադա է կազմակերպվում: Պետք է այնպիսի ձևակերպում գտնել, որ ամեն անգամ անհրաժեշտություն չառաջանա օրենքում փոփոխություն կատարելու: Իմաստը պետք է լինի այն, որ պետության և հանրային կյանքի բացառիկ նշանակություն ունեցող իրադարձությունների կապակցությամբ»,- ասաց վարչապետ Փաշինյանը
ՀՀ սփյուռքի նախարար Մխիթար Հայրապետյանը՝ դիմելով Փաշինյանին, ասաց. «Շատ սուբյեկտիվ է Ձեր ասածը, պետք է սահմանումը տանք»:
Վարչապետի պատասխանը չուշացավ. «Կներեք, իմ կարծիքով, Ձեր մեկնաբանությունները մի քիչ աբսուրդ են: Այս խնդիրը հասել է վերջին օրերին, ինչո՞ւ պիտի կառավարությունը մտածի, որ աշխատանքային օր փոխի»:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
