ԱՄՆ-ն HSBC բանկին մեղադրում է փողերի լվացման մեջ

ԱՄՆ-ն Եվրոպայի ամենամեծ HSBC բանկին մեղադրել է ֆինանսական հոսքերի վատ վերահսկման մեջ, որի հետևանքով ամբողջ աշխարհում մեծացել են փողերի լվացման մաշտաբները: ԱՄՆ-ի սենատի զեկույցի ժամանակ պարզ է դարձել, որ մեքսիկական նարկոբարոնները HSBC բանկի միջոցով անօրինական գումարներ են փոխանցել:

Խոսքը HSBC բանկի մեքսիկական մասնաճյուղի մասին է, որտեղ բանկի մասնաճյուղի աշխատակիցները թաքցրել են Մեքսիկայից ԱՄՆ մեծ քանակությամբ գումարների անօրինական փոխանցումները: ԱՄՆ-ն հայտարարել է, որ կասկածելի ֆինանսական գործարքներ են նկատվել նաև HSBC բանկի Սիրիայի, Կայմանյան կղզիների և Սաուդյան Արաբիայի մասնաճյուղերում:

HSBC բանկն իր հերթին հայտարարել է, որ պատրաստ է պատասխան տալ իրենց գործունեության ժամանակ թույլ տրված սխալների համար:

Մի քանի օր առաջ ամերիկյան ԶԼՄ-ում լուրեր են հայտնվել այն մասին, թե ինչպես են թմրանյութի վաճառքով զբաղվող մեքսիկացիները Bank of America-ի հաշիվների միջոցով իրականացրել անօրինական փողերի լվացում՝ տվյալ հաշիվներից ամերիկյան բիզնեսների մեջ ներդրումներ կատարելով:

Մեքսիկական կառավարությունը դիմել է խիստ միջոցների կիրառման՝ կրճատելու անօրինական փողերի շրջանառությունը: Այսուհետ Մեքսիկայում արգելված է կանխիկ գումարով ձեռք բերել անշարժ գույք, ավտոմեքենաներ և թանկարժեք զարդեր, եթե դրանց գինը բարձր է 8,000 դոլարից: Բացի այդ քայլերից, կառավարությունը սահմանափակումներ է դրել երկրի մնացած բնակչության վրա: Այսուհետ բանկային հաշիվ ունեցողները ամսական կարող են կանխիկացնել 4,000 ԱՄՆ դոլարից ոչ ավել:

Սահմանափակումները գործում են նաև Մեքսիկա այցելող բոլոր տուրիստների համար, որնոք կարող են կանխիկացնել կամ փոխանակել ամսեկան մինչև 1,500 ԱՄն դոլար:

Այս բոլոր գործառույթներն իրականացվում են փողերի անօրինական շրջանառությունը կանխելու նպատակով: