Հրշեջները մարել են Ներքին Չարբախի գերեզմանատանը բռնկված հրդեհը

ՀՀ արտակարգ իրավիճակների նախարարության «911» ծառայությունը սեպտեմբերի 16-ին, ժամը 14:06-ին ահազանգ է ստացել, որ Երևանի Ներքին Չարբախ թաղամասի գերեզմանատանն այրվում է խոտածածկ տարածք:

Դեպքի վայր է մեկնել ԱԻՆ փրկարար ծառայության Երևան քաղաքի փրկարարական վարչության հրշեջ-փրկարարական ջոկատի մեկ մարտական հաշվարկ:

Հրդեհը մեկուսացվել է ժամը 14:17-ին, մարվել՝ 14:59-ին:

Ինչպես տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, ամբողջությամբ այրվել են գերերեզմանատան ասբեստյա ծածկի փայտե կառուցատարրերը (մոտ 30 քմ), 4 եղևնի և խոտածածկույթ (մոտ 1500 քմ): Հրդեհի հետևանքով տուժածներ չկան: