«Ժամանակն է Հայկական բանակի ամենամարտունակ զորամասերն անվանակոչել հայոց մեծ հերոսների անուններով»

«Արարատ» ռազմավարագիտական կենտրոնի տնօրեն, պատմաբան և քաղաքագիտության դոկտոր Արմեն Այվազյանն իր ֆեյսբուքյան էջում գրել է․

«Ստուգված և աննախադեպ փաստ. այս օրերին Հայաստանում անցկացվող ռազմավարական զորավարժությանը «մասնակցելու համար զինկոմիսարիատների մոտ գրանցման մեծ հերթեր են գոյացել»։

Դեռ պետք է խորհել այս բեկումնային երևույթի մասին, հասկանալ դրա խորքային և ընթացիկ պատճառները, թե ինչպես է ներքաղաքական անբարենպաստ, նույնիսկ ճնշող պայմաններում հայ երիտասարդը խանդավառ կամավորագրվում հայրենիքի պաշտպանությանը։

Բայց արդեն հիմա կարելի է ասել, որ մենք ականատեսն ենք հայոց ռազմական ոգու զարթոնքի։ Հայ երիտասարդի մեջ արթնացել է իր ազնվական ռազմիկ նախնիների արյունը՝ Մամիկոնյանների, Արծրունիների, Սյունիների, Բագրատունիների, Կամսարականների, Ռշտունիների, Արտաշիսյանների, Արշակունիների, Ռուբինյանների, Պահլավունիների, մյուս բոլոր արիների...

Ժամանակն է ուրեմն մերօրյա Հայկական բանակի ամենամարտունակ և քաջարի զորամասերն անվանակոչել հայոց մեծ հերոսների անուններով։

Մեծ հաղթանակներն այսպես են սկիզբ առնում»։