Փաշինյանը գրառում է կատարել Ժակ Շիրակի մահվան կապակցությամբ բացված ցավակցությունների գրքում (տեսանյութ)

Հայաստանի Հանրապետության վարչապետ Նիկոլ Փաշինյանը գրառում է կատարել Ժակ Շիրակի մահվան կապակցությամբ բացված ցավակցությունների գրքում:

Նիկոլ Փաշինյանն այցելել է Հայաստանում Ֆրանսիայի դեսպանատուն և գրառում կատարել Ֆրանսիայի նախկին նախագահ Ժակ Շիրակի մահվան կապակցությամբ բացված ցավակցությունների գրքում:

Ֆրանսիայի նախկին նախագահ Ժակ Շիրակը մահացել է սեպտեմբերի 26-ին: Նա 86 տարեկան Էր: Շիրակը Ֆրանսիան ղեկավարել է 12 տարի՝ 1995-ից մինչև 2007 թվականը: Շակ Շիրակը ծնվել Է Ֆրանսիայի հարավում, ուսումնառությունից և բանակում ծառայելուց հետո զբաղվել Է քաղաքականությամբ: Երիտասարդ տարիքում համակրել է կոմունիստներին, ավելի ուշ դարձել է աջերի առաջնորդը: Մեծ դեր է խաղացել Շառլ դե Գոլի և Ժորժ Պոմպիդուի ընտրարշավներում: Վերջինիս օրոք զբաղեցրել է գյուղատնտեսության նախարարի պաշտոնը: Հաջորդ նախագահ Ժիսկար դ՛Էստենի օրոք նշանակվել է վարչապետ: Ավելի ուշ պաշտոնաթող է եղել և գլխավորել «Միավորում հաջակցություն հանրապետության» ընդդիմադիր կուսակցությունը: 1977 թվականից զբաղեցրել է Փարիզի քաղաքագլխի պաշտոնը: 1986 թվականին՝ արդեն Ֆրանսուա Միտերանի օրոք, վերստին գլխավորել է կառավարությունը: Շիրակը Ֆրանսիայի միակ քաղաքական գործիչն է, որը երկու անգամ վարչապետ է դարձել: 1988 թվականին նախագահական մրցարշավը տանուլ տալով Միտերանին, դարձյալ ընդդիմություն է դարձել, սակայն 1995 թվականին վերստին առաջադրել է իր թեկնածությունն ու հաղթանակ տարել։