«168 ժամ». «Սերժ Սարգսյանի եւ Ռոբերտ Քոչարյանի, նրանց թիմերի միջեւ տարաձայնություն չկա»

«168 ժամ» թերթը գրում է. «Վերջին ժամանակներս իշխանական շրջանակներում խոսակցություններ են շրջանառվում այն մասին, թե տարաձայնություններ կան ՀՀ երկու նախկին նախագահների՝ Սերժ Սարգսյանի եւ Ռոբերտ Քոչարյանի եւ նրանց թիմերի միջեւ:

ՀՀԿ փոխնախագահ Արմեն Աշոտյանին 168.am-ը հարցրեց, թե ինչպե՞ս նա կմեկնաբանի պաշտոնաթող նախագահներ Սերժ Սարգսյանի եւ Ռոբերտ Քոչարյանի ու իրենց թիմերի միջեւ առկա տարաձայնությունների մասին օրերս որոշ շրջանակների կողմից հասարակական-հանրային օրակարգ մտցված թեզը:

Նա, ավելի, քան երբեւէ, սարսափած է իր ապազգային եւ ապաշնորհ կառավարության դեմ հասունացող միասնական ճակատի գաղափարից որի կարեւորագույն դերակատարները կարող են լինել հենց Սերժ Սարգսյանը, Հայաստանի հանրապետական կուսակցությունը եւ Ռոբերտ Քոչարյանը: Ուստի նրա քարոզչական ֆաբրիկան սկսել է արհեստական օրակարգ բուծել եւ տարածել»,- ասաց Արմեն Աշոտյանը:

ՀՀԿ փոխնախագահը, սակայն, կարծում է, որ այդ ջանքերը նույնքան դատարկ են, որքան Զոհրաբ Մնացականյանին երեկ իրենց երիտասարդների փոխանցած ճամպրուկները: «Մենք շարունակելու ենք բարձրաձայնել Ռոբերտ Քոչարյանի դեմ հարուցված գործընթացի հակասահմանադրական եւ բացառապես քաղաքական լինելու մասին: Արել ու անելու ենք դա՝ թե երկրի ներսում, թե երկրից դուրս»,- եզրափակեց Արմեն Աշոտյանը»:

Առավել մանրամասն՝ թերթի այսօրվա համարում