Քրեակատարողական հիմնարկի աշխատակիցները հանդիպում են պահանջում վարչապետի հետ (տեսանյութ)
ՏեսանյութերԿառավարության շենքի առաջ այսօր իրենց բողոքն էին ներկայացնում Արմավիր քրեակատարողական հիմնարկի աշխատակիցները, որոնց ժամանակից շուտ, առանց նախազգուշացման ազատել են աշխատանքից: Քաղաքացիները ծառայել են Արմավիր քրեակատարողական հիմնարկի պահպանության ապահովման բաժնում:
Նոյեմբերի 1-ին նրանց փոխանցվել է իրենց ազատման հրամանը: Հրամանի հիմքում՝ ազատված աշխատակիցների տարիքային շեմն է. լրացել է նրանց հիսուն տարին: Այս պատճառաբանությունը աշխատակիցները անհիմն ու անօրինական են համարում, քանի որ իրենց պնդմամբ, ըստ իրենց ընդունման հրամանի, իրենք իրավունք ունեն աշխատել մինչև 55 տարին լրանալը:
Քաղաքացիները դիմել են Արդարադատության նախարարին, ով զարմացել է՝ իմանալով քաղաքացիների հետ եղածը և խոստացել է հարցին լուծում տալ, սակայն այդպես էլ ոչինչ չի փոխվել: Նրանք Նիկոլ Փաշինյանին խնդրում են մի քանի րոպե տրամադրել և լսել իրենց խնդիրը: Հենց Փաշինյանին տեսնելու պահանջով էլ նրանք եկել էին կառավարության շենք: Մանրամասները՝ տեսանյութում:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
