Համահայկական մրցանակաբաշխության արդյունքները հայտնի են. ովքեր են ճանաչվել լավագույնը (լուսանկարներ)

Հասարակություն 17 Նոյեմբեր, 2019 20:45

Համահայկական «Ազգային ապրանքանիշ» եւ Որակի նշան» մրցանակաբաշխությունը, որը մեկնարկեց Նոյեմբերի 14-ին՝ Առնո Բաբաջանյան համերգասրահում, Հայաստան-Արցախ-Սփյուռք 14 համահայկական ամսագրի աշխատանքային տարվա հակիրճ ամփոփումն էր:

Միջոցառման նպատակը իրենց գործունեությամբ աչքի ընկած լավագույն կազմակերպությունների եւ անհատներին խրախուսական մրցանակներ հանձնելն ու խրախուսելն է: Այն ձեւաչափ է գնահատելու տնտեսության, առողջապահության, կրթության, հանրային կառավարման ոլորտներում մասնագիտական բարձր պատրաստվածություն ցուցաբերած անձանց հետեւողական աշխատանքը, պրոֆեսինալիզմը, սոցիալական պատասխանատվությունը, պարտաճանաչությունը եւ տնտեսության զարգացման գործում ունեցած անգնահատելի ավանդը:

Նրանց թվում կային կազմակերպություններ, որոնք կարողացել են դիմակայել տնտեսական մարտահրավերներին եւ առկա մրցակցությանը, բերք ու բարիք են ստեղծել, աշխատատեղեր հիմնել եւ խթանել տնտեսության որոշ ճյուղերի զարգացումը: Մրցանակակիրները լավագույնն են ճանաչվել նաեւ սփյուռքի հայկական համայնքների այն ակտիվ ներկայացուցիչների կողմից, որոնց միջոցով Հայաստան-Արցախ-Սփյուռք ամսագիրը հասնում է նաեւ սփյուռքահայ ընթերցողին:

Ի վերջո, որակի ապահովումը այն կարեւոր չափորոշիչն է, որից կախված է ինչպես ներկա, այնպես էլ վաղվա սերնդի առողջ ապագան: Այսօր բոլոր ոլորտներում մատուցվող ծառայությունների հաջողության հիմքում ընկած է որակի ապահովումը, ինչը ստեղծվում է տարիների տքնաջան ու հետեւողական աշխատանքի արդյունքում:

Մասնագիտական բնագավառում ցուցաբերած բարեխիղճ աշխատանքի համար մրցանակներ շնորհվեցին նաեւ առողջապահական ոլորտի ներկայացուցիչներին, ՀՀ վաստակավոր բժիշկ, թոքաբան Անդրանիկ Ոսկանյանին, ԵՊԲՀ վիրաբուժության ամբիոնի պրոֆեսոր, վիրաբույժ - ուռուցքաբան Խաչատուր Բադալյանին: Ւսկ կուրորտային եւ առողջարանային լաագույն վայր անվանակարգում մրցանակ շնորհվեց Արզնի առողջարան - պոլիկլինիկայի տնօրեն Գագիկ Մադոյանին եւ Արմավիր ԲԿ տնօրեն Սարգիս Խաչատրյանին:

Մրցանակակիրներ կային նաեւ Արցախից: Համայնքի բարեկարգման, կյանքի կոչած մի շարք ծրագրերի եւ իրականացված բարեփոխումների համար մրցանակ շնորհվեց Ասկերան համայնքի ղեկավար Սամվել Աղաջանյանին, ով 1992 թ-ին՝ ընդգրկվելով Ասկերանի գործող ինքնպաշտպանական կամավորական ջոկատի կազմում, մեծ ներդրում է ունեցել նաեւ պաշտպանական թեժ մարտերում մղած գործողություններում՝ թնդանոթի ականի պայթյունի հետեւանքով կորցնելով տեսողությունը: Լավագույն համայնքներ ճանաչվեցին նաեւ Շողակաթ եւ Ծաղկահովիտ համայնքները:

Տեղեկատվական եւ հեռահաղորդակցության ոլորտում ունեցած ավանդի համար, մրցանակ ստացավ «Յունիքոմպ» ընկերության հիմնադիր տնօրեն, Հայաստանի արդունաբերողների և գործարարների միության խորհրդի անդամ Արմեն Բալդրյանին: Միջազգային չափանիշներին համահունչ արտադրության համար, «Որակի նշան» անվանակարգում պարգեւատրվեցին տեքստիլ արտադրությամբ զբաղվող «Դասոյան գրուպ» ընկերության «Կոտտոնի» ապրանքանիշը, Սյունիք ֆուդը», Արցախում եւ Հայաստանում ձկան եւ խավիարի արտադրությամբ զբաղվող «Գոլդեն Ֆիշ-Կ» ընկերությունը, Արարատի մարզի «Ագաթատ Գոլդ» գինու եւ կոնյակի արտադրությունը, «Արմենիան Քինգդոմ» ապրանքանիշի հայկական թեյը, «Նարե» կաթնամթերքը եւ այլն: Ամենահամեղ հայկական եւ կովկասյան կերակրատեսակների, բազմազան ուտեստների, աղանդերի եւ հրուշակեղենի ամենահամեղ վայրը ճանաչվեց Ապարանի Գնթունիքը: Բարձրակարգ, որակյալ եւ դիզայնի մեջ յուրահատուկ արտադրանքի թողարկման համար «Որակի նշան» անվանակարգում մրցանակ շնորհվեց «Ռաֆ Կանյան» ապրանքանիշին:

Իսկ որակյալ սպասարկման, տեսականու թարմացման ու բազմազանության համար սուպերմարկետների ցանցում առաջատարը եւ լավագույնը ճանաչվեց «ՍԱՍ» սուպերմարկետի «Թումանյան» մասնաճյուղը:

Հաշվի առնելով, որ Նոյեմբերի 19-ին Հայաստանում նշվում է կանանց ձեռնարկատիրության օրը, ուստի առիթ ընձեռվեց առանձնակի շնորհավորելու նաեւ մրցանակակիր կանանց: Նրանք թվով երեքն էին, : «Լավագույն գործարար կին» եւ «Որակի նշան» անվանակարգերում մրցանակ շնորհվեց «Դայմոնդ» ռեստորանային համալիրի հիմնադիր տնօրեն Նարինե Չարչյանին:

«Գոգի սթայլ» գեղեցկության սրահը լավագույնը ճանաչվեց բարձրակարգ եւ որակյալ ծառայություննրի մատուցման առումով: Իսկ մարզային մրցունակ իմիջ կենտրոն ճանաչվեց Վանաձորի «Սյուզի մեյք-ափ» գեղեցկության սրահը:

Միջոցառումն ուղեկցվեց համերգային ծրագով, հանդես եկան ժողորդական երգիչ Արսեն Գրիգորյանը, Թամարա Ժամհարյանը, «Այաս» եւ «Լեթս դենս» պարային համույթները, Տրիադ Տրիո-ն եւ այլոք:

Որպես անակնկալ, մրցանակ ստացավ նաեւ մրցանակաբաշխության հաղորդավարուհի Դինա Ակոպովնան, ում հեղինակային «ՌեՍթայլ» հաղորդաշարը ճանաչվեց տարվա լավագույն հաղորդում: