Քաղաքացուց անհիմն պահանջել են մուծում կատարել

Բնակարանի գրանցման համար Վանաձորի տարածքային ստորաբաժանման Անշարժ գույքի կադաստրի պետական կոմիտե դիմած Գևորգ Վիրաբյանից (անուն-ազգանունը փոխված է) պահանջել են կատարել համապատասխան մուծումներ, մինչդեռ, օրենքով սահմանված կարգով, առաջին պետական գրանցումն անվճար է:

Վիրաբյանը սակայն հրաժարվել է վճարում կատարել և պահանջել է իրականացնել գույքի պետական գրանցում, բայց մինչ օրս գրանցումը չի իրականացվել:

Դիմելով Պաշտպանին՝ Վիրաբյանը խնդրել է աջակցել իր իրավունքների պաշտպանության հարցում:

Դիմումում բարձրացված հարցերի վերաբերյալ պարզաբանումներ ստանալու նպատակով Պաշտպանը գրություն է ուղարկել Կադաստրի պետական կոմիտե, որտեղից հայտնել են, որ քաղաքացու խնդիրը կապված է եղել նրա ՌԴ անձնագրի տվյալների հետ, որոնք սահմանված կարգով թարգմանված չեն եղել: Իսկ քաղաքացուց մուծումներ պահանջելու խնդրի մասին ոչ մի պարզաբանում չի տրվել:

Արդյունքում Պաշտպանին միջնորդությամբ Գևորգ Վիրաբյանը ստացել է սեփականության իրավունքի պետական գրանցման վկայական առանց վերոնշյալ մուծումների: