Հելսինկյան Քաղաքացիական Ասամբլեայի Վանաձորի գրասենյակն ընդդեմ ՀՀ գլխավոր դատախազության

Այսօր 2012 թ օգոստոսի 7-ին, ժամը 16:30-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանում (դատավոր՝ Գ. Խանզադյան) կկայանա դատական նիստ Հելսինկյան Քաղաքացիական Ասամբլեայի Վանաձորի գրասենյակն ընդդեմ ՀՀ գլխավոր դատախազության, հետևյալ պահանջով՝

ՀՀ գլխավոր դատախաությանը պարտավորեցնել կատարեկ ՀՀ վերաքննիչ քրեական դատարանի 2011թ մայիսի 30-ի որոշումը:

Հիշեցնենք, որ «Քաղաքացիական հասարակության ինստիտուտ», «Հայաստանի հելսինկյան կոմիտե» և «Հելսինկյան Քաղաքացիական Ասամբլեայի Վանաձորի գրասենյակ» ՀԿ-ները (այսուհետ' կազմակերպությունները) հաղորդումներ են ներկայացրել ՀՀ գլխավոր դատախազին՝ քաղաքացի Սարգիս Պողոսյանին մոտ մեկ ամիս «Նուբարաշեն» ՔԿՀ-ում ապօրինի պահելու փաստի առնչությամբ քրեական գործ հարուցելու պահանջով:

ԱՄՆ իրավապահ մարմինների կողմից հետախուզման մեջ գտնվող ՀՀ քաղաքացի Սարգիս Պողոսյանը կալանավորվել է ՀՀ «Զվարթնոց» օդանավակայանում և 2010թ. օգոստոսի 5-ից մինչև սեպտեմբերի 1-ը պահվել է «Նուբարաշեն» ՔԿՀ-ում՝ առանց օրենքով նախատեսված դատարանի որոշման առկայության:

Այս փաստը հայտնաբերել էին քրեակատարողական հիմնարկներում վերահսկողություն իրականացնող հասարակական խմբի դիտորդները և քրեական գործ: Հարուցելու պահանջով դիմել իրավապահ մարմիններին:

«Նուբարաշեն» ՔԿՀ-ում 2010 թվականի օգոստոսի 5–ից մինչև սեպտեմբերի 1–ը առանց օրենքով նախատեսված հիմքերի պահվել է ՀՀ քաղաքացի Սարգիս Մանուկի Պողոսյանը:

«2010 թվականի օգոստոսի 2-ին ՀՀ ոստիկանության քրեական հետախուզության գլխավոր վարչության և «Զվարթնոց» օդանավակայանի ՈԲ աշխատակիցների կողմից ՀՀ ոստիկանության Երևան քաղաքի վարչության ՁՊՎ է տարվել ԱՄՆ իրավապահ մարմինների կողմից 1344 և 1349 հոդվածներով հանցագործություններ կատարելու մեջ կասկածվող 29.07.2010 թվականից հետախուզվող Սարգիս Մանուկի Պողոսյանը:

2011 թվականի մայիսի 30-ին Հայաստանի Հանրապետության վերաքննիչ քրեական դատարանը, քննել է բողոքաբերներ՝ կազմակերպությունների
վերաքննիչ բողոքը բավարարել, և նրանց բողոքը մերժելու մասին Երևանի Կենտրոն և Նորք Մարաշ վարչական շրջանների ընդհանուր իրավասության դատարանի 2011 թվականի հունվարի 18-ի որոշումը բեկանել և վարույթն իրականացնող մարմնին պարտավորեցրել վերացնելու անձի իրավունքների և ազատությունների խախտումները:

Մինչ օրս ՀՀ վերաքննիչ քրեական դատարանի վերը վկայակոչված որոշումը ՀՀ գլխավոր դատախազության կողմից չի կատարվել: